പ്രമേഹം നിയന്ത്രിക്കുന്നതിൽ ഭക്ഷണത്തിനുള്ള പങ്ക് വളരെ പ്രധാനമാണ്. ചോറ് അമിതമായ കഴിക്കുന്നത് രക്തത്തിലെ പഞ്ചസാരയുടെ അളവ് വർദ്ധിപ്പിക്കുമെന്ന് ഉറപ്പാണ്. കാരണം കലോറിയും കാർബോഹൈഡ്രേറ്റും ധാരാളം അടങ്ങിയ ഭക്ഷണങ്ങളില് ഒന്നാണ് ചോറ്. ഇവയുടെ ഗ്ലൈസെമിക് സൂചികയും കൂടുതലാണ്. എന്നാല് ചോറ് പൂര്ണ്ണമായും ഒഴിവാക്കേണ്ട ആവശ്യം ഇല്ലെന്നാണ് വിദഗ്ധര് പറയുന്നത്. എങ്കിലും പ്രമേഹ രോഗികള് ചോറിന്റെ അളവ് കുറയ്ക്കേണ്ടത് പ്രധാനമാണ്.
പ്രമേഹത്തെ നിയന്ത്രിക്കാന് ഉച്ചയ്ക്ക് ചോറിന് പകരം കഴിക്കേണ്ട ഭക്ഷണങ്ങള് എന്തൊക്കെയാണെന്ന് നോക്കാം.
ബ്രൌണ് റൈസ് അഥവാ ചുവന്ന അരിയില് ഫൈബര് ധാരാളം അടങ്ങിയിട്ടുണ്ട്. കൂടാതെ വെള്ള അരിയേക്കാൾ ഗ്ലൈസമിക് സൂചിക ചുവന്ന അരിയില് കുറവാണ്. അതിനാല് പ്രമേഹ രോഗികള്ക്കും ഇവ കഴിക്കാം.
ഫൈബര് അടങ്ങിയ ബാര്ലി കഴിക്കുന്നതും പ്രമേഹത്തെ നിയന്ത്രിക്കാനും വിശപ്പ് കുറയ്ക്കാനും സഹായിക്കും.
ക്വിനോവയില് ഫൈബറും പ്രോട്ടീനും അടങ്ങിയിട്ടുണ്ട്. ഇവ ചോറിന് പകരം കഴിക്കുന്നത് പ്രമേഹ രോഗികള്ക്ക് നല്ലതാണ്.
കലോറിയും കാര്ബോയും കുറവുള്ള കോളിഫ്ലവര് റൈസില് നാരുകള് ഉള്ളതിനാല് ഇവ പ്രമേഹരോഗികള്ക്ക് കഴിക്കാം.
ഒരു കപ്പ് ഓട്സില് 7.5 ഗ്രാം ഫൈബര് അടങ്ങിയിട്ടുണ്ട്. കൂടാതെ വിറ്റാമിനുകളും മിനറലുകളും പ്രോട്ടീനും അടങ്ങിയ ഇവ കഴിക്കുന്നത് പ്രമേഹത്തെ നിയന്ത്രിക്കാന് സഹായിക്കും.
ഫൈബര് അടങ്ങിയതും കലോറി കുറഞ്ഞതുമായ ചീര കൊണ്ടുള്ള സൂപ്പ് ഉച്ചയ്ക്ക് ചോറിന് പകരം കഴിക്കുന്നതും പ്രമേഹ രോഗികള്ക്ക് നല്ലതാണ്.
ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
