മസ്കത്ത് ∙ ജൂനിയർ ഏഷ്യാകപ്പ് ഹോക്കിയിൽ വിജയക്കുതിപ്പു തുടർന്ന് ഇന്ത്യ. ഇന്നലെ അവസാന ഗ്രൂപ്പ് മത്സരത്തിൽ ദക്ഷിണ കൊറിയയെ 8–1നാണ് തകർത്തത്. സെമിഫൈനൽ നേരത്തേ ഉറപ്പിച്ച ഇന്ത്യയ്ക്ക് മലേഷ്യയാണ് എതിരാളികൾ. നാളെയാണ് മത്സരം.
കൊറിയയ്ക്കെതിരെ അർഷ്ദീപിന്റെ ഹാട്രിക്കും അരിജീത് സിങ്ങിന്റെ ഇരട്ടഗോളുകളുമാണ് ഇന്ത്യയ്ക്ക് വൻജയം സമ്മാനിച്ചത്. ഗുർജോത് സിങ്, റോസൻ കുജുർ, രോഹിത് എന്നിവരും ലക്ഷ്യം കണ്ടു. ഒളിംപ്യൻ പി.ആർ.ശ്രീജേഷാണ് ഇന്ത്യൻ ടീമിന്റെ പരിശീലകൻ.
