മുംബൈ ∙ അടുത്ത മാസം തുടങ്ങുന്ന ഇന്റർനാഷനൽ മാസ്റ്റേഴ്സ് ലീഗ് ക്രിക്കറ്റി‍ൽ ഇന്ത്യൻ ടീമിനെ ഇതിഹാസതാരം സച്ചിൻ തെൻഡുൽക്കർ നയിക്കും. കുമാർ സംഗക്കാര (ശ്രീലങ്ക), ഷെയ്ൻ വാട്സൻ (ഓസ്ട്രേലിയ), ഒയി‍ൻ മോർഗൻ (ഇംഗ്ലണ്ട്), ജാക്ക് കാലിസ് (ദക്ഷിണാഫ്രിക്ക), ബ്രയാൻ ലാറ (വെസ്റ്റിൻഡീസ്) എന്നിവരാണ് മറ്റു ടീം ക്യാപ്റ്റൻമാർ. ഫെബ്രുവരി 22 മുതൽ മാർച്ച് 16 വരെ നവി മുംബൈ, രാജ്കോട്ട്, റായ്പുർ എന്നിവിടങ്ങളിലായാണ് മത്സരങ്ങൾ. മുൻ ഇന്ത്യൻ താരം സുനിൽ ഗാവസ്കറാണ് ടൂർണമെന്റ് കമ്മിഷണർ.
