തുറവൂർ ∙ കെട്ടിട നിർമാണ ജോലികൾക്കായി എത്തിയ 3 ബംഗ്ലദേശികൾ കുത്തിയതോട് പൊലീസിന്റെ പിടിയിൽ. തുറവൂർ പുത്തൻകാവിൽ വീടു പണിക്കായി ലേബർ കോൺട്രാക്‌ട് ഏജൻസിയിലൂടെ ആലുവയിൽ നിന്നെത്തിയതാണ് ബംഗ്ലദേശികൾ. അനധികൃതമായി രാജ്യത്ത് പ്രവേശിച്ച കുറ്റത്തിന് ഇവരുടെ സുഹൃത്തുക്കളെ കൊച്ചിയിൽനിന്നു പിടികൂടിയിരുന്നു. പിടിയിലായവരുടെ മൊബൈൽഫോൺ പരിശോധനയിൽ സുഹൃത്തുക്കൾ തുറവൂരിലുണ്ടെന്ന് കണ്ടെത്തുകയായിരുന്നു.
8 വർഷം മുൻപാണ് കേരളത്തിൽ എത്തിയതെന്ന് ഇവർ പൊലീസിനു മൊഴി നൽകി. ആലുവ, തൃശൂർ എന്നിവിടങ്ങളിലാണ് താമസിച്ചിരുന്നത്. ചേർത്തല കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
