വൈക്കം. അപരവിദ്വേഷ നിലപാടുകൾക്കെതിരെ നാട് സാംസ്കാരിക പ്രതിരോധം തീർക്കണമെന്ന് കെ.പി.എം.എസ് ജനറൽ സെക്രട്ടറി പുന്നല ശ്രീകുമാർ പറഞ്ഞു.
വൈക്കം സത്യാഗ്രഹ മെമ്മോറിയൽ ഹാളിൽ ജില്ലാ നേതൃയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
വിഭജന ആശയങ്ങളും വെറുപ്പും സാമൂഹിക ജീവിതത്തെയും നാടിൻ്റെ മുന്നേറ്റങ്ങളെയും പ്രതികൂലമായി ബാധിക്കും. വിദ്വേഷത്തിൻ്റെ ശക്തികൾ ഭയാനകമായി പെരുമാറുമ്പോൾ ഭരണകൂടവും നാടും പുലർത്തുന്ന നിസ്സംഗത ഫലത്തിൽ ഇത്തരം ശക്തികളുടെ പിന്തുണയായി മാറുകയാണ്. ഇതിനെ കരുതലോടെ കാണണമെന്നും അദ്ദേഹം കൂട്ടിച്ചേർത്തു.
കെ.പി.എം എസ് സംസ്ഥാന സെക്രട്ടറിയേ noറ്റംഗം മനോജ് കൊട്ടാരം അധ്യക്ഷത വഹിച്ചു. സംസ്ഥാന ട്രഷറർ അഡ്വ.എ.സനീഷ്കുമാർ, അസ്സി.സെക്രട്ടറി അഖിൽ.കെ.ദാമോദരൻ, സംസ്ഥാന കമ്മിറ്റിയംഗങ്ങളായ അജിത്ത് കല്ലറ, കെ.കെ.കൃഷ്ണകുമാർ, ഇ.കെ.തങ്കപ്പൻ തുടങ്ങിയവർ സംസാരിച്ചു.
