തിരുവനന്തപുരം ∙ തനിക്കെതിരായ വ്യാജരേഖകള് ചമച്ചത് പൊലീസിനുള്ളിൽ നിന്നാണെന്നും ആരോപണങ്ങള്ക്കു പിന്നില് പൊലീസിലെ തന്നെ ഗൂഢാലോചനയാണെന്നും എഡിജിപി എം.ആര് അജിത്കുമാറിന്റെ മൊഴി.
അനധികൃതസ്വത്തു സമ്പാദനക്കേസില് വിജിലന്സ് അന്വേഷണ സംഘത്തിന് അജിത്കുമാര് നല്കിയ മൊഴിയിലാണ് പൊലീസിലെ കൂട്ടാളികള്ക്കെതിരായ വിമര്ശനം. മുന് എംഎല്എ പി.വി.അന്വറിനു വഴങ്ങാത്തതാണ് ആരോപണങ്ങള്ക്കു
കാരണമെന്നും മൊഴിയില് പറയുന്നു.
മുഖ്യമന്ത്രിയുടെ ഓഫിസിന്റെ നിര്ദേശ പ്രകാരമാണ് പി.വി.അന്വറുമായി സംസാരിച്ചത്. സംശയങ്ങള് ദൂരീകരിക്കണമെന്ന് മുഖ്യമന്ത്രിയുടെ ഓഫിസ് ആവശ്യപ്പെട്ടെന്നും എഡിജിപിയുടെ മൊഴിയിലുണ്ട്.
വീട് നിര്മിക്കുന്നത് ഭാര്യാപിതാവ് നല്കിയ ഭൂമിയിലാണെന്നും ഫ്ലാറ്റ് മറിച്ചു വിറ്റ് ലാഭം നേടിയിട്ടില്ലെന്നും മൊഴിയില് പറയുന്നു.
