തിരുവനന്തപുരം: നിയമസഭ തെരഞ്ഞെടുപ്പില് കോണ്ഗ്രസിലെ എംപിമാര്ക്ക് മത്സരിക്കാന് ഹൈക്കമാന്ഡ് അനുമതി നല്കിയേക്കില്ല. എംപിമാര് മത്സരിക്കേണ്ട സാഹചര്യം ഇപ്പോഴില്ലെന്നാണ് കോൺഗ്രസ് ഹൈക്കമാന്ഡിന്റെ വിലയിരുത്തല്.
ഉപതെരഞ്ഞെടുപ്പ് സാഹചര്യം കൂടി കണക്കിലെടുത്താണ് ഹൈക്കമാന്ഡിന്റെ തീരുമാനം. ചില എംപിമാര് പ്രത്യക്ഷമായും പരോക്ഷമായും മത്സരസന്നദ്ധത വ്യക്തമാക്കിയിരുന്നു.
ലോക്സഭ തെരഞ്ഞെടുപ്പില് സംസ്ഥാനത്തെ 20 മണ്ഡലങ്ങളില് 18 ഇടത്താണ് യുഡിഎഫ് വിജയിച്ചത്. ഇതില് 14 സീറ്റില് കോണ്ഗ്രസ് എംപിമാരാണ്. ഇതില് പകുതിയിലേറെപ്പേര്ക്കും നിയമസഭയിലേക്ക് മത്സരിക്കാന് ആഗ്രഹമുണ്ട്.
മുന് കെപിസിസി പ്രസിഡന്റ് കെ സുധാകരന്, യുഡിഎഫ് കണ്വീനര് അടൂര് പ്രകാശ്, ശശി തരൂര്, കൊടിക്കുന്നില് സുരേഷ്, ഹൈബി ഈഡന്, ഷാഫി പറമ്പില് തുടങ്ങിയവരെല്ലാം നിയമസഭയിലേക്ക് നോട്ടമുള്ളവരാണ്.
