തിരുവനന്തപുരം: പ്രധാനമന്ത്രി നരേന്ദ്ര മോദിയുടെ ക്ഷണപ്രകാരം ഡല്ഹിയിലേക്കുള്ള യാത്രയില് തിരുവനന്തപുരത്തെ മറ്റു ബിജെപി കൗണ്സിലര്മാര്ക്കൊപ്പം പോകാത്തതില് വിശദീകരണവുമായി ആര്. ശ്രീലേഖ.
ഈ പ്രായത്തില് ട്രെയിനില് പോകാനാവില്ലെന്ന് പാര്ട്ടി നേതൃത്വത്തെ അറിയിച്ചിരുന്നതായും അഞ്ച് ദിവസം തിരുവനന്തപുരത്ത് നിന്നും മാറിനില്ക്കുന്നതില് ബുദ്ധിമുട്ടുണ്ടെന്നും ശ്രീലേഖ ഫെയ്സ്ബുക്കില് പോസ്റ്റ് ചെയ്ത വിഡിയോയില് പറഞ്ഞു.
പൈസ അനാവശ്യമായി ചെലവാക്കുന്നതില് മടിയുള്ള വ്യക്തിയാണ് താനെന്നും അതിനാല് വിമാന ടിക്കറ്റ് നല്കാമെന്നു പറഞ്ഞിട്ടും യാത്ര ഒഴിവാക്കുകയായിരുന്നെന്നും ശ്രീലേഖ പറഞ്ഞു.
അതേസമയം വരുന്ന നിയമസഭാ തെരഞ്ഞെടുപ്പില് താന് മത്സരിക്കുമെന്ന അഭ്യൂഹങ്ങളും ശ്രീലേഖ തള്ളി. വരുന്ന അഞ്ചുവര്ഷവും കൗണ്സിലറായി തുടരാനാണ് തീരുമാനമെന്നും അവര് വ്യക്തമാക്കി. തന്റെ തീരുമാനങ്ങളെല്ലാം പാര്ട്ടിയുടെ അറിവോടെയാണെന്നും ആര് ശ്രീലേഖ വ്യക്തമാക്കി.
