കു​ള​ത്തി​ലെ വെ​ള്ളം വ​യ​ലി​ലേ​ക്ക് തു​റ​ന്നു​വി​ട്ടു; 25 ഏ​ക്ക​റി​ലെ നെ​ല്ല് കൊ​യ്യാ​നാ​കാ​തെ ക​ർ​ഷ​ക​ർ

കോ​ട്ടാ​യി: പൊ​തു​കു​ള​മാ​യ അ​യ്യം​കു​ളം ന​വീ​ക​ര​ണ പ്ര​വൃ​ത്തി​യു​ടെ പേ​രി​ൽ മു​ന്ന​റി​യി​പ്പി​ല്ലാ​തെ വെ​ള്ളം വ​യ​ലി​ലേ​ക്ക് തു​റ​ന്നു​വി​ട്ടു. ഓ​ട​നൂ​ർ ച​മ്പ്ര​ക്കു​ളം പാ​ട​ശേ​ഖ​ര​ത്തി​ൽ 25 ഏ​ക്ക​ർ നെ​ൽ​കൃ​ഷി കൊ​യ്യാ​നാ​കാ​തെ ക​ർ​ഷ​ക​ർ പ്ര​തി​സ​ന്ധി​യി​ലാ​യി.

കൊ​യ്ത്തു ക​ഴി​ഞ്ഞ വ​യ​ലു​ക​ളി​ലെ വൈ​ക്കോ​ൻ ചേ​റി​ലും ചെ​ളി​യി​ലും മു​ങ്ങി. പ്ര​തി​ഷേ​ധ​വു​മാ​യി ക​ർ​ഷ​ക​ർ രം​ഗ​ത്തി​റ​ങ്ങി. കു​ള​ത്തി​ലെ വെ​ള്ളം വ​യ​ലി​ൽ നി​റ​ഞ്ഞു​നി​ൽ​ക്കു​ന്ന​തി​നാ​ൽ കൊ​യ്ത്തു​യ​ന്ത്രം ഇ​റ​ക്കാ​നാ​വാ​ത്ത സ്ഥി​തി​യാ​ണ്.

പ​രീ​ക്ഷ​ണ​മെ​ന്നോ​ണം യ​ന്ത്രം ഇ​റ​ക്കി​യെ​ങ്കി​ലും വ​യ​ലി​ൽ താ​ഴ്ന്നു. പി​ന്നീ​ട് ജെ.​സി.​ബി എ​ത്തി​ച്ച് കെ​ട്ടി​വ​ലി​ച്ചാ​ണ് യ​ന്ത്രം ക​ര​ക്കു​ക​യ​റ്റി​യ​ത്.

നെ​ല്ല് വി​ള​ഞ്ഞ് നി​ൽ​ക്കു​ക​യാ​ണെ​ന്നും ഇ​നി​യും വൈ​കി​യാ​ൽ എ​ല്ലാം വീ​ണ് ന​ശി​ക്കു​മെ​ന്നു​മാ​ണ് ക​ർ​ഷ​ക​ർ പ​റ​യു​ന്ന​ത്. ക​ഴി​ഞ്ഞ ദി​വ​സ​ങ്ങ​ളി​ൽ കൊ​യ്തു ക​ഴി​ഞ്ഞ വ​യ​ലു​ക​ളി​ലെ വൈ​ക്കോ​ൽ കെ​ട്ടാ​ക്കാ​ൻ യ​ന്ത്ര​മെ​ത്തു​ന്ന​ത് കാ​ത്തി​രു​ന്ന ക​ർ​ഷ​ക​ർ​ക്കും തി​രി​ച്ച​ടി നേ​രി​ട്ടു. വൈ​ക്കോ​ൽ വെ​ള്ള​ത്തി​ലും ചേ​റി​ലും മു​ങ്ങി​ക്കി​ട​ക്കു​ക​യാ​ണ്.

കു​ള​ത്തി​ലെ വെ​ള്ളം മോ​ട്ടോ​ർ ഉ​പ​യോ​ഗി​ച്ച് കാ​ഡ കൈ​ക്ക​നാ​ലി​ലൂ​ടെ ഒ​ഴു​ക്കി​വി​ട്ടി​രു​ന്നെ​ങ്കി​ൽ ഈ ​പ്ര​ശ്നം ഒ​ഴി​വാ​ക്കാ​മാ​യി​രു​ന്നെ​ന്നും ഇ​ക്കാ​ര്യം ക​ർ​ഷ​ക​ർ ആ​വ​ശ്യ​പ്പെ​ട്ടി​ട്ടും മു​ഖ​വി​ല​ക്കെ​ടു​ക്കാ​തെ ത​ന്നി​ഷ്ട​പ്ര​കാ​രം പ്ര​വ​ർ​ത്തി​ച്ച പ​ഞ്ചാ​യ​ത്തം​ഗ​വും ക​രാ​റു​കാ​ര​നും ക​ർ​ഷ​ക​ർ​ക്ക് ന​ഷ്ട​പ​രി​ഹാ​രം ന​ൽ​ക​ണ​മെ​ന്ന് ക​ർ​ഷ​ക​രും പാ​ട​ശേ​ഖ​ര​സ​മി​തി ഭാ​ര​വാ​ഹി​ക​ളും ആ​വ​ശ്യ​പ്പെ​ട്ടു.

ഈ ​ആ​വ​ശ്യം ഉ​ന്ന​യി​ച്ച് ക​ർ​ഷ​ക​ർ ഒ​പ്പു​ശേ​ഖ​രി​ച്ച് പ​ഞ്ചാ​യ​ത്ത് സെ​ക്ര​ട്ട​റി, പ്ര​സി​ഡ​ൻ​റ്, കൃ​ഷി ഓ​ഫി​സ​ർ, വി​ല്ലേ​ജ് ഓ​ഫി​സ​ർ, പാ​ട​ശേ​ഖ​ര സ​മി​തി ഭാ​ര​വാ​ഹി​ക​ൾ എ​ന്നി​വ​ർ​ക്ക് നി​വേ​ദ​നം ന​ൽ​കി.