തൃശൂര്: പ്രതിപക്ഷ നേതാവിന്റെ വീട് വെച്ച് നല്കല് പ്രഖ്യാപനം തമിഴ് സിനിമയിലെ കോമഡിയെ ഓര്മ്മിപ്പിക്കുന്നുവെന്ന് മന്ത്രി എം ബി രാജേഷ്. ലൈഫ് പദ്ധതിക്ക് കേന്ദ്രത്തിന്റെ അംഗീകാരം ലഭിച്ച വാര്ത്തയില് പ്രതികരിക്കുകയായിരുന്നു അദ്ദേഹം. ഫെബ്രുവരിയില് 5ലക്ഷം വീടുകള് പൂര്ത്തീകരിക്കുമെന്ന് രാജേഷ് പറഞ്ഞു.
കഴിഞ്ഞദിവസം വെറും മൂപ്പതു സെക്കന്ഡ് കൊണ്ടാണ് 300 വീടുകള് പ്രതിപക്ഷ നേതാവ് വി ഡി സതീശന് നിര്മ്മിച്ച് നല്കിയതെന്ന് രാജേഷ് പരിഹരിച്ചു. തങ്ങള് അധികാരത്തില് വന്നാല് ലൈഫ് പദ്ധതി അടച്ചുപൂട്ടുമെന്ന് പ്രഖ്യാപിച്ച എം എം ഹസ്സന് ഇനിയും അത് പറയാന് ധൈര്യമുണ്ടോ എന്നും രാജേഷ് ചോദിച്ചു. കഴിഞ്ഞ തെരഞ്ഞെടുപ്പില് ഇത് പറഞ്ഞതുകൊണ്ടാണ് ജനം അവരെ മാറ്റി നിര്ത്തിയത് എന്നും മന്ത്രി പറഞ്ഞു.
ഒന്നരക്കൊല്ലം കൊണ്ട് നൂറു വീടു പോലും വെച്ച് നല്കാന് കഴിയാത്തവരാണ് തങ്ങള്ക്ക് 100 സീറ്റ് തരണമെന്ന് അഭ്യര്ഥിക്കുന്നത്. ഇതാണ് മുന്നണികളുടെ നയവ്യത്യാസം.
തങ്ങള് പറയുന്ന കണക്കുകള് പ്രതിപക്ഷ നേതാവിന്റെ പോലെയല്ല. ചോദിച്ചതിന് ഒന്നിനും അദ്ദേഹത്തിനും മറുപടിയുമില്ല എന്നും മന്ത്രി പറഞ്ഞു. ലൈഫ് പദ്ധതിക്ക് നീതി ആയോഗിന്റെ ബെസ്റ്റ് പ്രാക്ടീസ് അംഗീകാരമാണ് ലഭിച്ചതെന്നും മന്ത്രി പറഞ്ഞു.
