തിരുവനന്തപുരം: സമ്മര്‍ ബമ്പര്‍ ഭാഗ്യക്കുറിയുടെ ഒന്നാം സമ്മാനമായ പത്തുകോടി രൂപയുടെ ഭാഗ്യശാലിയെ കണ്ടെത്തി. തമിഴ്‌നാട് സേലം സ്വദേശിക്കാണ് ഒന്നാം സമ്മാനം ലഭിച്ചത്.
ധനലക്ഷ്മി എന്ന പേരില്‍ 180 ലോട്ടറി എടുത്ത സബ് ഏജന്റ് പാലക്കാട്ടെത്തിയെങ്കിലും പേര് രഹസ്യമാക്കി വെക്കണമെന്ന് ലോട്ടറി ഏജന്‍സിയോട് അഭ്യര്‍ഥിച്ചു. അടുത്ത ദിവസം ഭാഗ്യശാലി ലോട്ടറി ആസ്ഥാനത്ത് എത്തി ടിക്കറ്റ് കൈമാറും.
തമിഴ്‌നാട് സ്വദേശിയായ സബ് ഏജന്റ് ലോട്ടറിയുടെ പകര്‍പ്പ് കിങ് സ്റ്റാര്‍ ലോട്ടറി ഏജന്‍സിക്ക് കൈമാറിയിട്ടുണ്ട്. ഭാഗ്യശാലി ഇതര സംസ്ഥാനത്തെയാളായതുകൊണ്ട് ടിക്കറ്റ് ലോട്ടറി ആസ്ഥാനത്ത് തന്നെ സമര്‍പ്പിക്കണം.
ഒന്നാം സമ്മാനമായ പത്തുകോടി രൂപ SG 513715 എന്ന ടിക്കറ്റിനായിരുന്നു ലഭിച്ചത്. പാലക്കാട് മുന്‍സിപ്പല്‍ ബസ് സ്റ്റാന്‍ഡിലെ കിങ് സ്റ്റാര്‍ ലോട്ടറി ഏജന്‍സി ആണ് ടിക്കറ്റ് വിറ്റത്. ആകെ 1.30 ലക്ഷം ബമ്പര്‍ ടിക്കറ്റുകളാണ് കിങ് സ്റ്റാര്‍ ലോട്ടറി ഏജന്‍സി ഇത്തവണ വിറ്റത്.
