തിരുവനന്തപുരം: നിയമസഭ തെരഞ്ഞെടുപ്പ് വേളയില് വടകര എംപി ഷാഫി പറമ്പിലിന് കെപിസിസി പ്രസിഡന്റിന്റെ ചുമതല നല്കിയേക്കും. നിലവിലെ കെപിസിസി പ്രസിഡന്റ് സണ്ണി ജോസഫ് പേരാവൂരില് വീണ്ടും മത്സരിച്ചേക്കുമെന്ന സൂചനകളുടെ അടിസ്ഥാനത്തിലാണ് നീക്കം.
തെരഞ്ഞെടുപ്പ് തീയതി പ്രഖ്യാപിക്കുന്നതിനു മുമ്പായി തീരുമാനം ഉണ്ടാകുമെന്നാണ് റിപ്പോര്ട്ട്.
നിര്ണായകമായ തെരഞ്ഞെടുപ്പ് പ്രചാരണ കാലയളവില് മുഴുവന് സമയ കെപിസിസി പ്രസിഡന്റ് ഉണ്ടാകുക ലക്ഷ്യമിട്ടുള്ള തന്ത്രപരമായ തീരുമാനമായാണ് പാര്ട്ടി വൃത്തങ്ങള് ഇതു ചൂണ്ടിക്കാട്ടുന്നതെന്നാണ് റിപ്പോര്ട്ടുകൾ.
‘ഷാഫി പറമ്പിലിന്റെ സംഘടനാ വൈദഗ്ധ്യം, ബഹുജന ആകര്ഷണം, തെരഞ്ഞെടുപ്പ് മാനേജ്മെന്റ് കഴിവുകള് എന്നിവ പാർട്ടിക്ക് ആവശ്യമാണ്. കെപിസിസിയുടെ പ്രചാരണ തന്ത്രം നയിക്കാന് ഏറ്റവും അനുയോജ്യനായ വ്യക്തിയാണ്.’ പാര്ട്ടി വൃത്തങ്ങള് സൂചിപ്പിക്കുന്നു.
