ശബരിമല: വൃശ്ചികപ്പുലരിയില് ശബരിമലയില് അയ്യനെ കണ്കുളിര്ക്കെ കാണാന് ഭക്തരുടെ നീണ്ട നിര. പുലര്ച്ചെ മൂന്നിന് മേല്ശാന്തി ഇ ഡി പ്രസാദ് നമ്പൂതിരിയാണ് നട തുറന്നത്.
ഇന്ന് മുതല് ദിനംപ്രതി 90,000 ഭക്തര്ക്ക് ദര്ശനം നടത്താം.
നട തുറന്ന് രണ്ട് മണിക്കൂറിനുള്ളില് നിലയ്ക്കലിലെ പാര്ക്കിങ് ഗ്രൗണ്ടുകള് നിറഞ്ഞു. സന്നിധാനത്ത് തിരക്ക് തുടരുകയാണ്. ദേവസ്വം ബോര്ഡ് പ്രസിഡന്റ് കെ ജയകുമാറിന്റെ നേതൃത്വത്തില് രാത്രി വൈകി അവലോകന യോഗങ്ങള് ചേരും.
വരും ദിവസങ്ങളിലേക്കുള്ള വെര്ച്വല് ക്യൂ ബുക്കിങ് പൂര്ത്തിയായിട്ടുണ്ട്. മണ്ഡല മകരവിളക്കു തീര്ഥാടനത്തിനു തുടക്കം കുറിച്ച് തന്ത്രി കണ്ഠര് മഹേഷ് മേഹനരും മേല്ശാന്തി എസ് അരുണ്കുമാര് നമ്പൂതിരിയും ക്ഷേത്ര ശ്രീകോവില് നട തുറന്ന് വിളക്ക് തെളിയിച്ചു.
ശേഷം ഉപദേവതാ ക്ഷേത്ര നടകളും തുറന്നു. മാളികപ്പുറം മേല്ശാന്തി ടി. വാസുദേവന് നമ്പൂതിരി മാളികപ്പുറത്ത് നട തുറന്നു.
