തിരുവനന്തപുരം: സംസ്ഥാനത്ത് ആറ് പുതിയ ഫോറസ്റ്റ് സ്റ്റേഷനുകള് കൂടി സ്ഥാപിക്കുന്നു. ഇന്നലെ ചേര്ന്ന മന്ത്രിസഭാ യോഗത്തിലാണ് വനം – വന്യജീവി വകുപ്പില് ആറ് പുതിയ ഫോറസ്റ്റ് സ്റ്റേഷനുകള് രൂപീകരിക്കാന് തീരുമാനമായത്.
വനം വന്യജീവി വകുപ്പുമന്ത്രി എ.കെ.ശശീന്ദ്രന് ആണ് ഇക്കാര്യം അറിയിച്ചത്.
കല്ലാര്, ആനക്കുളം, മലമ്പുഴ, ആനക്കാംപൊയില്, കൊട്ടിയൂര്, ബന്തടുക്ക എന്നിവിടങ്ങളിലാണ് പുതിയ സ്റ്റേഷനുകൾ രൂപീകരിക്കുക.
കാസര്കോട് ജില്ലയില് ആദ്യത്തെ ഫോറസ്റ്റ് സ്റ്റേഷനാണ് ബന്തടുക്കയില് രൂപീകരിക്കുന്നത്. വനം വന്യജീവി സംരക്ഷണം കൂടുതല് കാര്യക്ഷമവും സുഗമവും ആക്കുന്നതിനും മനുഷ്യ-വന്യജീവി സംഘര്ഷം ലഘൂകരിക്കുന്നതിനുമാണ് പുതിയ സ്റ്റേഷനുകള് രൂപീകരിക്കുന്നത്.
