തിരുവനന്തപുരം: സൈബര് ആക്രമണത്തില് മുഖ്യമന്ത്രിക്ക് പരാതി നല്കി എഴുത്തുകാരിയും സംസ്കാര സാഹിതി ജനറല് സെക്രട്ടറിയുമായ എം എ ഷഹനാസ്. രാഹുല് മാങ്കൂട്ടത്തില് എംഎല്എയില് നിന്ന് തനിക്കുണ്ടായ മോശം അനുഭവം തുറന്നുപറഞ്ഞതിന് പിന്നാലെ നിബു വര്ഗീസ് എന്നയാള് സൈബര് ഇടങ്ങളില് സ്ത്രീത്വത്തെ അപമാനിക്കുന്ന രീതിയില് തനിക്കെതിരെ മോശമായ ചിത്രങ്ങളും മറ്റും പ്രചരിപ്പിച്ചു വരികയാണ്.
ഇതുമൂലം ഞാനും കുടുംബവും ആത്മഹത്യയുടെ വക്കിലാണെന്നും മുഖ്യമന്ത്രിക്ക് നല്കിയ പരാതിയില് പറയുന്നു.
ഈ ട്രോമ തനിക്ക് താങ്ങാന് ആകാവുന്നതില് അപ്പുറമാണെന്നും മുഖ്യമന്ത്രിക്ക് നല്കിയ പരാതിയില് പറയുന്നു. രാഹുലിന്റെയും ഷാഫി പറമ്പിലിന്റെയും അനുയായിയാണ് നിബു വര്ഗീസ് എന്നും ഷഹനാസ് പറയുന്നു.
മോശം കാര്യങ്ങള് പ്രചരിപ്പിച്ചയാളുടെ പ്രൊഫൈല് ലിങ്കും പരാതിക്കൊപ്പം കൈമാറിയിട്ടുണ്ട്. ഇയാള്ക്കെതിരെ മേല് നടപടികള് ഉണ്ടാകണമെന്നും പരാതിയില് പറയുന്നു. മുഖ്യമന്ത്രിയുടെ നിയമസഭയിലെ ഓഫീസില് എത്തിയാണ് പരാതി നല്കിയത്.
