തിരുവനന്തപുരം: വിഴിഞ്ഞം രാജ്യാന്തര തുറമുഖത്തിന്റെ രണ്ടാംഘട്ട നിര്മാണ പ്രവര്ത്തനങ്ങളുടെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. 10,000 കോടിയിലധികം രൂപയുടെ വികസന പ്രവര്ത്തനങ്ങളാണ് രണ്ടാംഘട്ടത്തില് ഉള്പ്പെടുന്നത്.
വികസനം പൂര്ത്തിയാകുന്നതോടെ വിഴിഞ്ഞത്തിന്റെ ശേഷി പ്രതിവര്ഷം 57 ലക്ഷം കണ്ടെയ്നറുകളായി വര്ദ്ധിക്കും. തുറമുഖത്തുനിന്ന് ഇറക്കുമതിയും കയറ്റുമതിയും സാധ്യമാക്കുന്ന എക്സിം കാര്ഗോ സേവനങ്ങളുടെയും ദേശീയപാത ബൈപാസിലേക്ക് നിര്മിച്ച പുതിയ പോര്ട്ട് റോഡിന്റെയും ഉദ്ഘാടനവും അനുബന്ധമായി നടന്നു. 2028 ല് രണ്ടാംഘട്ടം പൂര്ത്തിയാക്കാനാണ് ലക്ഷ്യം.
ഇന്ന് നാലുമണിക്ക് വിഴിഞ്ഞത്ത് നടന്ന ചടങ്ങിലാണ് ഉദ്ഘാടനം നിര്വഹിച്ചത്. പൈലിങ് പ്രവര്ത്തനങ്ങളുടെ സ്വിച്ച് ഓണ്കര്മമാണ് മുഖ്യമന്ത്രി നിര്വഹിച്ചത്.
കേന്ദ്ര ഷിപ്പിങ് മന്ത്രി സര്വാനന്ദ സൊനോവാള് ചടങ്ങില് മുഖ്യാതിഥിയായി. മന്ത്രി വി ശിവന് കുട്ടി, പ്രതിപക്ഷ നേതാവ് വി ഡി സതീശന്, വി എന് വാസവന്, കെ എന് ബാലഗോപാല്, വിഴിഞ്ഞം പേര്ട്ട് മാനേജിങ് ഡയറക്ടര് കരണ് അദാനി എന്നിവരും ചടങ്ങില് പങ്കാളികളായി.
