തിരുവനന്തപുരം: തിരുവനന്തപുരം കോര്പറേഷനില് എല്ഡിഎഫുമായി സഹകരിക്കുമെന്ന് മുതിര്ന്ന കോണ്ഗ്രസ് നേതാവ് കെ മുരളീധരന്.
കൗണ്സില് യോഗത്തില് ബിജെപി ഏകപക്ഷീയമായി വിവാദ വിഷയങ്ങള് പാസാക്കാന് അനുവദിക്കില്ലെന്നാണ് കെ മുരളീധരന്റെ നിലപാട്. എന്നാല് തങ്ങള് ഭരണം അട്ടിമറിക്കാനില്ലെന്നും കെ മുരളീധരന് പറഞ്ഞു.
ചില മതങ്ങളുടെ മാത്രം പ്രാര്ത്ഥനകള് ചൊല്ലുക, അംഗീകരിക്കാത്ത അടയാളങ്ങള് പ്രദര്ശിപ്പിക്കുക തുടങ്ങിയ വിഷയങ്ങള് വരുമ്പോള് പ്രതിപക്ഷത്തുള്ള സമാന ചിന്താഗതിയുള്ളവരുമായി സഹകരിക്കും.
പക്ഷേ ഭരണം അട്ടിമറിക്കാന് തങ്ങള് ആഗ്രഹിക്കുന്നില്ലെന്നും അദ്ദേഹം കൂട്ടിച്ചേര്ത്തു.
