തിരുവനന്തപുരം : ഉപരാഷ്ട്രപതി സി.പി.രാധാകൃഷ്ണന് രണ്ട് ദിവസത്തെ സന്ദര്ശനത്തിനായി ഇന്ന് തിരുവനന്തപുരത്തെത്തും. വൈകിട്ട് 7 ന് തിരുവനന്തപുരം. വിമാനത്താവളത്തിലെത്തുന്ന ഉപരാഷ്ട്രപതി രാത്രി 7.20ന് പാളയം എല്എംഎസ് കോംപൗണ്ടില് നടക്കുന്ന ട്രിവാന്ഡ്രം ഫെസ്റ്റില് മുഖ്യാതിഥിയായി പങ്കെടുക്കും.
തുടര്ന്ന് ലോക്ഭവനില് താമസിക്കുന്ന ഉപരാഷ്ട്രപതി 30ന് രാവിലെ 10ന് വര്ക്കല ശിവഗിരിയില് 93 മത് ശിവഗിരി സമ്മേളനം ഉദ്ഘാടനം ചെയ്യും. തിരിച്ചു ഹെലികോപ്റ്ററില് തിരുവനന്തപുരത്ത് എത്തി 12.05ന് മാര് ഇവാനിയോസ് കോളജിന്റെ പ്ലാറ്റിനം ജൂബിലി ആഘോഷങ്ങളുടെ സമാപനം ഉദ്ഘാടനം ചെയ്യും. ഉച്ചയ്ക്ക് 1.25ന് തിരുവനന്തപുരം വിമാനത്തവളത്തില് നിന്നും തിരികെ പോകും.
ഉപരാഷ്ട്രപതി സി.പി. രാധാകൃഷ്ണന്റെ സന്ദര്ശനത്തോടനുബന്ധിച്ച് കനകക്കുന്നില് വസന്തോത്സവം ന്യൂ ഇയര് ലൈറ്റിങ് പരിപാടിയില് പൊതുജനങ്ങള്ക്ക് നിയന്ത്രണം ഏര്പ്പെടുത്തിയിട്ടുണ്ട്. സുരക്ഷാക്രമീകരണങ്ങളും ഗതാഗത നിയന്ത്രണവും ഏര്പ്പെടുത്തിയിരിക്കുന്നതിനാലാണ് തിങ്കളാഴ്ച വൈകീട്ട് ആറു മുതല് എട്ടുവരെ പൊതുജനങ്ങള്ക്ക് കനകക്കുന്ന് കോമ്പൗണ്ടിലേക്കുള്ള പ്രവേശനം നിരോധിച്ചത്.
ഇന്ത്യന് ഉപരാഷ്ട്രപതിയുടെ സന്ദര്ശനത്തോടനുബന്ധിച്ച് ഡിസംബര് 29,30 തീയതികളില് നഗരത്തില് ഗതാഗത നിയന്ത്രണം ഏര്പ്പെടുത്തി. 29ന് ഉച്ചയ്ക്ക് 2.30 മുതല് രാത്രി 8.30വരെയും 30ന് രാവിലെ ആറ് മുതല് ഉച്ചയ്ക്ക് രണ്ട് വരെയുമാണ് ഗതാഗത നിയന്ത്രണം ഏര്പ്പെടുത്തിയിട്ടുള്ളത്.
