തിരുവനന്തപുരം: സംസ്ഥാനത്തെ എസ്.എസ്.എൽ.സി, ഹയർ സെക്കണ്ടറി പരീക്ഷാ തിയതികൾ പ്രഖ്യാപിച്ച് വിദ്യാഭ്യാസ മന്ത്രി വി. ശിവൻകുട്ടി. എസ്.എസ്.എൽ.സി പരീക്ഷ 2026 മാർച്ച് 5 മുതൽ 30 വരെയും, ഹയർ സെക്കൻഡറി പരീക്ഷകൾ 2026 മാർച്ച് 6 മുതൽ 28 വരെയും നടക്കുമെന്ന് മന്ത്രി അറിയിച്ചു.
എസ്.എസ്.എല്.സി മോഡല് പരീക്ഷകള് ഫെബ്രുവരി 16 മുതല് 20 വരെ നടക്കും. ജനുവരി 12 മുതല് 22 വരെയാണ് ഐടി മോഡല് പരീക്ഷകൾ നിശ്ചയിച്ചിരിക്കുന്നത്. രാവിലെ 9.30 ന് പരീക്ഷകൾ തുടങ്ങും. മേയ് 8 നായിരിക്കും എസ്എസ്എൽസി ഫലപ്രഖ്യാപനം.
മാർച്ച് 5 മുതൽ 27 വരെയാണ് ഹയർ സെക്കൻഡറി ഒന്നാം വർഷ പരീക്ഷകൾ നടക്കുക. രണ്ടാം വർഷ പരീക്ഷകൾ മാർച്ച് 6 മുതൽ 28 വരെ നടക്കും.
ഒന്നാം വർഷ ഹയർ സെക്കൻഡറി പരീക്ഷ ഉച്ചയ്ക്ക് 1.30 നും രണ്ടാം വർഷ ഹയർ സെക്കൻഡറി പരീക്ഷ രാവിലെ 9.30 നും ആരംഭിക്കുമെന്ന് തിരുവനന്തപുരത്തു നടന്ന വാർത്താ സമ്മേളനത്തിൽ വിദ്യാഭ്യാസ മന്ത്രി അറിയിച്ചു.
