ചങ്ങനാശ്ശേരി: 245 കുടുംബങ്ങൾക്കുള്ള മൂന്ന് കുടിവെള്ള പദ്ധതികളുടെ ഉദ്ഘാടനം ജലവിഭവ വകുപ്പ് മന്ത്രി ശ്രീ. റോഷി അഗസ്റ്റിൻ ഉദ്ഘാടനം ചെയ്തു.
പുതിയ ചങ്ങനാശ്ശേരി എന്ന തലത്തിലേക്ക് മാറുന്നതിന്റെ ഭാഗമായി ചങ്ങനാശ്ശേരി നിയോജകമണ്ഡലത്തിൽ മുൻസിപ്പാലിറ്റി ഡെപ്പോസിറ്റ് ചെയ്ത 25 ലക്ഷം രൂപയും ഭൂജലവകുപ്പിന്റെ പ്ലാൻ ഫണ്ടിൽ നിന്നും 44 ലക്ഷം രൂപയും ചിലവഴിച്ചാണ് 245 കുടുംബങ്ങൾക്കുള്ള 3 കുടിവെള്ള പദ്ധതികൾ പൂർത്തിയാക്കിയിരിക്കുന്നത്.
മുൻസിപ്പൽ വാർഡുകളായ 25-ാം വാർഡിലെ വേട്ടടി- മുതവാച്ചിറ കോളനി,31-ാം വാർഡിലെ കാക്കാംന്തോട് ,35-ാം വാർഡിലെ മഞ്ചാടിക്കർ തുടങ്ങിയ പ്രദേശങ്ങളിലെ കുടിവെള്ളക്ഷാമം പരിഹരിച്ച് പരാമാവധി ജനങ്ങളിൽ കുടിവെള്ളം എത്തിക്കുക എന്ന ലക്ഷ്യത്തോടെ കുഴൽകിണറുകൾ സ്ഥാപിച്ച് പൂർത്തിയാക്കിയത്. ഈ വാർഡുകളിലെ വെള്ളം എത്താത്ത കുടുംബങ്ങളിൽ അഡീഷനലായി ഈ സ്കീമിൽ നിന്നും വെള്ളം എത്തിക്കുവാൻ മന്ത്രി ഈ യോഗത്തിൽ വെച്ച് തന്നെ ഭൂജല വകുപ്പ് സൂപ്രണ്ടിംഗ് എൻജിനീയർക്ക് നിർദ്ദേശം നൽകി.
അഡ്വ. ജോബ് മൈക്കിൾ എം എൽ എ അധ്യക്ഷത വഹിച്ച യോഗത്തിൽ മുനിസിപ്പൽ വൈസ് ചെയർമാൻ മാത്യൂസ് ജോർജ്,കൗൺസിലർമാരായ ബീനാ ജോബി, കുഞ്ഞുമോൾ സാബു, ഗീതാ അജി, ബാബു തോമസ്, ലാലിച്ചൻ കുന്നിപ്പറമ്പിൽ,ഭൂജല വകുപ്പ് സൂപ്രണ്ടിംഗ് എൻജിനീയർ വിമൽരാജ്, ഭൂജല വകുപ്പ് ജില്ലാ ഓഫീസർ ഉദയകുമാർ ആർ, വിവിധ രാഷ്ട്രീയ കക്ഷി പ്രതിനിധികൾ തുടങ്ങിയവർ യോഗത്തിൽ സംസാരിച്ചു.ഭൂജല വകുപ്പ് ഡയറക്ടർ എസ്.റിനി റാണി റിപ്പോർട്ട് അവതരിപ്പിച്ചു.
