ഒരു കാലത്ത് ഇന്ത്യൻ ഇലക്ട്രിക് ഇരുചക്ര വാഹന വിപണിയിൽ ആധിപത്യം പുലർത്തിയിരുന്ന ഒല ഇലക്ട്രിക്ക് വിൽപ്പനയിൽ പതറുമ്പോൾ ആർതർ എനർജിയുടെ മുന്നേറ്റമാണ് ശ്രദ്ധേയം. 2024 സെപ്റ്റംബറിലെ ഇലക്ട്രിക് ഇരുചക്രവാഹന വിൽപ്പന കണക്കുകൾ പുറത്തുവരുമ്പോൾ ഏതർ വിൽപ്പന 75 ശതമാനം വർദ്ധിച്ചു. വാഹൻ പോർട്ടലിൽ നിന്നുള്ള കണക്കുകൾ പ്രകാരം, 2024 സെപ്റ്റംബറിൽ കമ്പനിയുടെ വിപണി വിഹിതം ഏകദേശം 14 ശതമാനം ആയി ഉയർന്നു എന്നാണ് കണക്കുകൾ. 2024 സെപ്റ്റംബറിൽ ഏതർ 12,579 ഇലക്ട്രിക് സ്‌കൂട്ടറുകൾ വിറ്റു. 2023 സെപ്റ്റംബറിൽ വിറ്റ 7,169 സ്‌കൂട്ടറുകളിൽ നിന്ന് 75 ശതമാനം വാർഷിക വളർച്ച രേഖപ്പെടുത്തി.
കമ്പനിയുടെ വിപണി വിഹിതം 2024 ജൂലൈയിലെ 7.9 ശതമാനത്തിൽ നിന്നാണ് 2024 സെപ്റ്റംബറിൽ 14.3 ശതമാനം ആയി ഉയർന്നത്. കമ്പനിയുടെ റിസ്റ്റ മോഡലിൻ്റെ ശക്തമായ ഡിമാൻഡാണ് ഈ നേട്ടത്തിന് കാരണം എന്നാണ് റിപ്പോര്‍ട്ടുകൾ. റിസ്‌ത ഇന്നുവരെ മൊത്തം 50,000 ബുക്കിംഗുകൾ നേടിയിട്ടുണ്ട്. ഇത് മുൻവർഷത്തെ അപേക്ഷിച്ച് വിപണി വിഹിതത്തിൽ ഏതറിൻ്റെ മുന്നേറ്റത്തിന് കാരണമായി.
വാഹൻ്റെ വിൽപ്പന കണക്കുകൾ പ്രകാരം 2024 ജൂലൈ മുതൽ സെപ്തംബർ വരെയുള്ള കാലയളവിൽ ആതർ ശരാശരി 11,287 യൂണിറ്റുകൾ വിറ്റു. റീട്ടെയിൽ വിൽപ്പന ജൂണിൽ 10,211 യൂണിറ്റും ഓഗസ്റ്റിൽ 10,987 യൂണിറ്റും സെപ്റ്റംബറിൽ 12,692 യൂണിറ്റുമാണ്. വികസിച്ചുകൊണ്ടിരിക്കുന്ന നെറ്റ്‌വർക്കിൻ്റെയും റിസ്റ്റയുടെ ഉപഭോക്താക്കൾക്ക് വ്യാപിച്ചതിൻ്റെയും പിന്തുണയോടെ കഴിഞ്ഞ പാദത്തിൽ കമ്പനിയുടെ വിൽപ്പന ക്രമാനുഗതമായി വർദ്ധിച്ചു. റിസ്റ്റ ഫാമിലി ഇലക്ട്രിക് സ്‍കൂട്ടറിന്1.10 ലക്ഷം രൂപ മുതലാണ് എക്സ്-ഷോറൂം വില.
വർഷത്തിൻ്റെ ആദ്യപകുതിയിൽ വിൽപ്പനയിൽ ഇടിവുണ്ടായതിന് പിന്നാലെയാണ് ആതറിന്‍റെ ഈ മുന്നേറ്റവും. വാഹൻ ഡാറ്റ പ്രകാരം ഏപ്രിൽ മുതൽ ജൂൺ വരെ (2025 സാമ്പത്തിക വർഷം ആദ്യപാദം) കമ്പനി 16,508 യൂണിറ്റുകൾ ചില്ലറ വിൽപ്പന നടത്തി. മാർച്ച് ഇതുവരെയുള്ള ഏറ്റവും മികച്ച മാസമായി തുടരുന്നു. ഈ കലണ്ടർ വർഷത്തിൽ നിർമ്മാതാവിന് ഒരു മാസത്തിനുള്ളിൽ 17,422 യൂണിറ്റുകൾ റീട്ടെയിൽ ചെയ്തു. ഇ-സ്‌കൂട്ടറുകളുടെ കാലഹരണപ്പെട്ട സർക്കാർ സബ്‌സിഡികൾ ഇലക്ട്രിക് ഇരുചക്രവാഹന നിർമ്മാതാക്കളിലുടനീളം മാർച്ചിൽ വോളിയം വർദ്ധിപ്പിക്കുന്നതിനുള്ള ഒരു പ്രധാന മുന്നേറ്റമായിരുന്നു.
വിപണിയിൽ മുന്നിൽ നിൽക്കുന്ന ഒല ഇലക്ട്രിക്ക് ഡിമാൻഡിൽ വലിയ ഇടിവ് നേരിട്ട സമയത്താണ് ഏതറിൻ്റെ വോള്യങ്ങളിൽ വർധനവ് ഉണ്ടായിരിക്കുന്നത് എന്നതും ശ്രദ്ധേയമാണ്. കഴിഞ്ഞ പാദത്തിൽ ഒലയുടെ വിപണി വിഹിതം 30 ശതമാനത്തിൽ താഴെയായി. ഈ വർഷം ഏപ്രിലിലെ ഏറ്റവും ഉയർന്ന 50 ശതമാനവുമായി താരതമ്യം ചെയ്യുമ്പോൾ വൻ ഇടിവ്. ഹീറോ മോട്ടോകോപിന്‍റെ പിന്തുണയുള്ള ഏതർ എനർജി ഒരു പ്രാഥമിക പബ്ലിക് ഓഫറിംഗിലൂടെ (ഐപിഒ) ഉടൻ ഫണ്ട് ശേഖരിക്കുമെന്ന് പ്രതീക്ഷിക്കുന്നു. ഏഥർ 450S, ഏഥർ 450X, ഏഥർ 450 അപെക്സ് തുടങ്ങിയ മോഡലുകളാണ് ബാംഗ്ലൂർ ആസ്ഥാനമായി പ്രവർത്തിക്കുന്ന ഇന്ത്യൻ ഇലക്ട്രിക് ഇരുചക്ര വാഹന നിർമ്മാതാക്കളായ ആതർ എനർജിയുടെ ലൈനിപ്പിൽ ഉള്ളത്.
ആതർ റിസ്റ്റയുടെ സവിശേഷതകൾ
ഈ സ്‍കൂട്ടറിൽ നിങ്ങൾക്ക് റിവേഴ്സ് മോഡ് ലഭിക്കുന്നു, ഇത് റിവേഴ്സ് ചെയ്യുന്നത് എളുപ്പമാക്കുന്നു. സ്‌കിഡ് കൺട്രോൾ അനുസരിച്ചാണ് സ്കൂട്ടറിൻ്റെ ടയറുകൾ ഡിസൈൻ ചെയ്‍തിരിക്കുന്നത്. സ്കൂട്ടറിൻ്റെ സഹായത്തോടെ, മറ്റേതെങ്കിലും സ്മാർട്ട്ഫോണിൽ നിങ്ങളുടെ തത്സമയ ലൊക്കേഷൻ പങ്കിടാനും കഴിയും. ആൻ്റി തെഫ്റ്റ് ഫീച്ചറും ഇതിലുണ്ട്. നിങ്ങളുടെ ഫോണിൻ്റെ സഹായത്തോടെ പാർക്കിംഗ് ഏരിയയിൽ സ്കൂട്ടർ കണ്ടെത്താനാകും. ഫാൾ സുരക്ഷാ ഫീച്ചറും ഇതിലുണ്ട്. അതായത് ഓടിക്കൊണ്ടിരിക്കുമ്പോൾ സ്കൂട്ടർ വീണാൽ അതിൻ്റെ മോട്ടോർ ഓട്ടോമാറ്റിക്കായി നിലയ്ക്കും. ഗൂഗിൾ മാപ്പ് ഇതിൽ ലഭ്യമാണ് എന്നതാണ് പ്രത്യേകത. കോൾ ആൻഡ് മ്യൂസിക് കൺട്രോൾ, പുഷ് നാവിഗേഷൻ, ഓട്ടോ റിപ്ലൈ എസ്എംഎസ് തുടങ്ങിയ ഫീച്ചറുകളും ഇതിൽ നൽകിയിട്ടുണ്ട്.
റിസ്റ്റയുടെ റേഞ്ചിനെക്കുറിച്ച് പറയുകയാണെങ്കിൽ, ഇതിന് 2.9 kWh ബാറ്ററിയും 3.7 kWh ബാറ്ററി പാക്ക് ഓപ്ഷനുമുണ്ട്. ചെറിയ ബാറ്ററി പാക്കിൻ്റെ റേഞ്ച് 123 കിലോമീറ്ററും വലിയ ബാറ്ററി പാക്കിൻ്റെ റേഞ്ച് 160 കിലോമീറ്ററുമാണ്. എല്ലാ വേരിയൻ്റുകളുടെയും ഉയർന്ന വേഗത മണിക്കൂറിൽ 80 കിലോമീറ്ററാണ്. 2.9 kWh ബാറ്ററി പാക്കിൻ്റെ ചാർജിംഗ് സമയം 6.40 മണിക്കൂറാണ്. അതേസമയം, 3.7 kWh ബാറ്ററി പാക്കിൻ്റെ ചാർജ്ജിംഗ് സമയം 4.30 മണിക്കൂർ മാത്രമാണ്. ഇതിൻ്റെ മൂന്ന് വേരിയൻ്റുകളുടെയും എക്സ് ഷോറൂം വില 109,999 രൂപ, 124,999 രൂപ, 144,999 രൂപ എന്നിവയാണ്. ഏഴ് കളർ ഓപ്ഷനുകളിലാണ് റിസ്റ്റ പുറത്തിറക്കിയിരിക്കുന്നത്. ഇതിന് നാല് ഡ്യുവൽ ടോൺ നിറങ്ങളും മൂന്ന് സിംഗിൾ ടോൺ നിറങ്ങളും ഉണ്ട്. ബാറ്ററിക്കും സ്‌കൂട്ടറിനും കമ്പനി 3 വർഷം അല്ലെങ്കിൽ 30,000 കിലോമീറ്റർ വാറൻ്റി നൽകുന്നു.
