കണ്ണൂര്: എഡിഎം നവീന്ബാബുവിന്റെ മരണത്തില് തുടരന്വേഷണം വേണമെന്ന ആവശ്യത്തെ എതിര്ത്ത് പി.പി. ദിവ്യ.
തുടരന്വേഷണം ആവശ്യപ്പെട്ടുകൊണ്ടുള്ള ഹര്ജിയില് ഉന്നയിച്ച കാര്യങ്ങള് നിലനില്ക്കുന്നതല്ലെന്നായിരുന്നു പി.പി. ദിവ്യയുടെ അഭിഭാഷകന് കോടതിയില് പറഞ്ഞത്. കേസ് പരിഗണിക്കുന്നത് 23-ലേക്ക് മാറ്റി.
അന്വേഷണത്തില് പി.പി. ദിവ്യയുടെ നിരപരാധിത്വം വെളിവാകുന്നുവെന്ന ഭയപ്പാടിലാണ് ഇങ്ങനെയൊരു ഹര്ജി സമര്പ്പിച്ചിരിക്കുന്നതെന്ന് പി.പി. ദിവ്യയുടെ അഭിഭാഷകന് മാധ്യമങ്ങളോട് പറഞ്ഞു.
പ്രതിക്ക് അനുകൂലമായ സാക്ഷിമൊഴികള് ഒഴിവാക്കിക്കിട്ടാനുള്ള ശ്രമമാണെന്നും ഇത് നിയമപരമായി നിലനില്ക്കാത്ത ഹര്ജിയാണെന്നും അഭിഭാഷകന് കൂട്ടിച്ചേര്ത്തു.
