ഇന്ത്യൻ വ്യോമസേനയുടെ ദക്ഷിണ വായുസേനാ ആസ്ഥാനമായ തിരുവനന്തപുരത്ത് ഫെഡറേഷൻ ഓഫ് ഇന്ത്യൻ ചേംബേഴ്സ് ഓഫ് കൊമേഴ്സ് ആൻഡ് ഇൻഡസ്ട്രിയുമായി സഹകരിച്ച്, ഒക്ടോബർ 31 ന് ‘ഡ്രോൺ ആപ്ലിക്കേഷൻസ് ഫോർ ഇന്ത്യൻ എയർഫോഴ്സ് അൺമാൻഡ് ഏരിയൽ സിസ്റ്റംസ് ഫോർ ലോജിസ്റ്റിക്സ് ആൻഡ് മൊബിലിറ്റി സൊല്യൂഷൻസ് ഫോർ ഐലൻഡ്സ്’ എന്ന വിഷയത്തിൽ ഒരു വ്യവസായ സമ്പർക്ക പരിപാടിയും പ്രദർശനവും സംഘടിപ്പിക്കുന്നു.
പ്രതിരോധ മന്ത്രാലയം, ഇന്ത്യൻ സായുധ സേനയുടെ ഇന്റഗ്രേറ്റഡ് ഡിഫൻസ് സ്റ്റാഫ് ആസ്ഥാനം, കോസ്റ്റ് ഗാർഡ്, അക്കാദമിക്, അൺമാൻഡ് ഏരിയൽ സിസ്റ്റംസ് മേഖല എന്നിവിടങ്ങളിൽ നിന്നുള്ള വിദഗ്ധർ പരിപാടിയിൽ പങ്കെടുക്കും. മെഹർ ബാബ-4 മത്സര റൂട്ട് വഴി ലക്ഷദ്വീപിലും മിനിക്കോയ് ദ്വീപുകളിലും ഏരിയൽ ഓട്ടോണമസ് ലോജിസ്റ്റിക്സും മൊബിലിറ്റി സൊല്യൂഷനുകളും വികസിപ്പിക്കുന്നതിനായി ‘ഓവർ ദി സീ കാർഗോ’ ഡ്രോണുകളുടെ വികസനം പരിഗണിക്കുക എന്നതാണ് പരിപാടിയുടെ ലക്ഷ്യം.
ദ്വീപ് പ്രദേശങ്ങളിലെ സായുധ സേനകളുടെ ലോജിസ്റ്റിക് ആവശ്യകതകൾ പരിഹരിക്കുന്നതിന് ‘അൺമാൻഡ് ഏരിയൽ സിസ്റ്റംസ്’ ഉപയോഗിക്കുന്നതിനുള്ള ഡ്രോണുകളുടെ ഭാവി പ്രയോഗങ്ങൾ, ഉപ-പദ്ധതികൾ, അനുബന്ധ സാങ്കേതികവിദ്യകൾ എന്നിവയിൽ പങ്കാളികളുമായി തന്ത്രപരമായ ചർച്ചകളിൽ ഏർപ്പെടുന്നതിനും, നൂതനാശയങ്ങൾ പ്രദർശിപ്പിക്കുന്നതിനും സഹകരണം വളർത്തുന്നതിനും പ്രദർശനം ഒരു വേദി നൽകും. ഫിക്കി (FICCI) വെബ്സൈറ്റ് വഴി പരിപാടിയുടെ രജിസ്ട്രേഷൻ നടത്താം.
ഓപ്പറേഷണൽ കമാൻഡർമാരുമായും മുതിർന്ന ഉദ്യോഗസ്ഥരുമായും മുഖാമുഖ കൂടിക്കാഴ്ചകൾ നടത്തുന്നതിനും ഈ പ്ലാറ്റ്ഫോം സൗകര്യമൊരുക്കും. കൂടാതെ, വിവിധ ഇന്ത്യൻ വ്യോമസേന കമാൻഡുകൾ, സംസ്ഥാന ഏജൻസികൾ, അക്കാദമിക് സ്ഥാപനങ്ങൾ എന്നിവയുമായുള്ള പങ്കാളിത്ത അവസരങ്ങൾ പര്യവേക്ഷണം ചെയ്യാനുള്ള അവസരവും ഉണ്ടായിരിക്കും. എയ്റോസ്പേസ് മേഖലയിലെ സ്വാശ്രയത്വം, നവീകരണം, സാങ്കേതിക പുരോഗതി എന്നിവയ്ക്കായി ഗവേഷണ സ്ഥാപനങ്ങളെ ശക്തിപ്പെടുത്തുക എന്നതാണ് പരിപാടിയുടെ ലക്ഷ്യം.
